Eftir að hafa séð Dwayne „The Rock“ Johnson í Fast and the Furious 6 hélt maður að leikarinn gæti ekki orðið massaðari. Miðað við mynd sem hann setti inn á Twitter samskiptasíðuna í gær þá er The Rock hvergi nærri hættur í ræktinni, enda bíður hans nú það krefjandi verkefni að leika sjálfan Hercules í samnefndri mynd.
Yfir myndinni á Twitter stendur: „I’m in the mood for love (and by love I mean pancakes & lips) AM training. On set workout trailer #HERCULES“
Af myndinni að dæma þá er greinilegt að leikarinn tekur hlutverk sitt í Hercules mjög alvarlega , en nýlega sagði hann í viðtali að hann þyrfti að eyða þremur klukkustundum á dag í förðunarstólnum vegna leiksins í myndinni.
Leikstjóri myndarinnar er Brett Ratner en myndin er væntanleg í bíó 25. júlí á næsta ári.