Já ég veit, það að The Hangover Part III sé í bígerð hefur í raun verið vitað síðan í fyrra, en þetta er í fyrsta sinn sem það er staðfest af framleiðendum, leikurum og leikstjóranum Todd Phillips.
Tökur á The Hangover Part III munu hefjast í september á þessu ári að sögn framleiðenda. Bradley Cooper, Ed Helms og Zach Galifianakis leika sömu hlutverk og í fyrri myndunum ásamt því að leikstjórinn Todd Phillips snýr aftur í leikstjórastólinn, en hann leikstýrði einnig fyrstu tveimur myndunum.
Það er auðvelt að sjá af hverju það var ákveðið að gera þriðju myndina, en Hangover I&II eru búnar að græða samtals yfir 530 milljónir dollara á heimsvísu. Það er von að Phillips og félagar festi sig ekki of mikið í formúlunni í þetta skiptið, rétt eins og þeir gerðu í The Hangover Part II, sem er alveg nákvæmlega eins og The Hangover – skref fyrir skref!
The Hangover Part III kemur í kvikmyndahús 24.maí 2013.
Hvað segiði, er einhver spenntur fyrir þessu eða er Hangover-djókurinn orðinn þreyttur ?