Undanfarna daga hafa reglulga borist fréttir af næstu mynd Óskarsleikstjórans Steven Soderbergh, Magic Mike, sem byggð er á strippferli leikarans Channning Tatum, en Tatum leikur einmitt aðalhlutverk í myndinni.
Áður höfum við sagt frá því að Matthew McConaughey muni kasta klæðum í myndinni, og verða strippklúbbseigandi. Þá munu Alex Pettyfer og Matt Bomer gera það sama, þ.e. leika nektardansara.
E! Online segir nú frá því að fyrirsætan Riley Keough, dóttir Lisu Marie Presley, sem er dóttir rokkóngsins Elvis Presley og Priscillu Presley, muni leika nektardansmærina Zora í myndinni.
Riley í miðið, en til vinstri er amma hennar, Priscilla Presley, og til hægri er mamma hennar Lisa Marie Presley.
Áður hefur verið talað um Lindsey Lohan í þetta hlutverk, en ekkert virðist hafa orðið af því. Zora á að vera kærasta persónu Pettyfer, The Kid.
Myndin verður tekin í Tampa í Flórída, en tökur hefjast þar í næsta mánuði.