Rovio Entertainment hefur ráðið gaman- og teiknimyndahandritshöfundinn Jon Vitti til að skrifa handritið að þrívíddarteiknimyndinni sem gera á eftir tölvuleiknum Angry Birds, sem við höfum sagt frá áður hér á síðunni.
Sony Pictures mun dreifa myndinni, sem verður frumsýnd þann 1. júlí árið 2016.
Vitti vann Emmy verðlaunin fyrir skrif sín fyrir King of the Hill, og vann lengi sem handritshöfundur og framleiðandi fyrir The Simpsons, ásamt því sem hann vann við Simpsons kvikmyndina.
Ennfremur hefur hann unnið við Saturday Night Live, The Larry Sanders Show, The Office og kvikmyndina Alvin and the Chipmunks.