Tim Roth var á dögunum að kynna nýjustu kvikmynd sína Broken og sagði frá því að hann væri ólmur til í að vinna aftur með Quentin Tarantino.
„Það var alltaf ætlunin að ég myndi leika í Inglourious Basterds en því miður var ég upptekinn við sjónvarpsþættina mína Lie to Me á þeim tíma. Ég hitti á Tarantino um daginn og við ætlum að hittast og fá okkur öl þegar allar verðlaunahátíðarnar eru búnar. Þá getum við rætt um framhaldið og það er áhugi úr báðum áttum að ég leiki í næstu mynd hans.“ segir Roth.
Roth var ætlaður í hlutverk Lt. Archie Hickox í Basterds, sem endaði í höndunum á Michael Fassbinder.
Roth hefur leikið í þrem kvikmyndum eftir Tarantino sem allar hafa notið mikilla vinsælda og er því engin furða að Roth vilji vinna með Tarantino á ný.
Hér fyrir neðan má sjá tvö atriði með Roth undir stjórn Tarantino.
