Nýtt plakat úr Jurassic World

Nýtt opinbert plakat fyrir fjórðu myndinni um Júragarðinn, Jurassic World, var opinberað í dag. Plakatið er í stíl við upprunalegu útgáfuna og undir stendur „Garðurinn er opinn – 12. júní“.

Myndin gerist 22 árum á eftir atburðunum í fyrstu Jurassic Park-myndinni. Þetta verður fjórða myndin í seríunni og verður hún frumsýnd þann 12. júní 2015, þegar einmitt 22 ár verða liðin síðan fyrsta myndin kom út árið 1993.

Colin Trevorrow leikstýrir myndinni, en það kom nokkuð á óvart því Trevorrow er nokkuð óreyndur og hefur aðeins leikstýrt einni mynd, Safety Not Guaranteed sem kom út árið 2012.

Með helstu hlutverk í myndinni fara m.a. Chris Pratt, Bryce Dallas Howard, Omar Sy, Vincent D’Onofrio, Jake Johnson og Irrfan Khan.

Hér að neðan má sjá plakatið.

jurassic_world