Smáeðlurnar: Leitin að kalda eldsteininum (2001)

Skemmtileg teiknimynd um smáeðluna Smáfót og vini hans sem lenda í hinum margvíslegustu ævintýrum. Smáfótur verður vitni að himneskum atburði þegar hann sér loftstein hrapa til jarðar einhvers staðar í Reykfjöllum. Vandamálið er að hann er sá eini sem sá lofsteininn hrapa og þess vegna trúir honum enginn. En Smáfótur veit hvað hann sá og ákveður að halda upp í Reykfjöll og finna loftsteininn. Það ætti ekki að verða neitt allt of erfitt því loftsteinninn hlýtur að hafa skilið eftir sig einhver ummerki. Svo fer að nokkrir af vinum hans slást með í förina sem verður brátt hið stórkostlegasta ævintýri þar sem bæði hættur og fjör leynast við hvert fótmál.