Jamie's Food Escapes (2012)

Sjónvarpskokkurinn Jamie Oliver er matgæðingum og öðrum sjónvarpsáhorfendum að góðu kunnur fyrir sína skemmtilegu þætti um mat, matargerð og matarmenningu. Í þessari mynd kynnir Jamie sér menningu og matargerð ólíkra staða víðsvegar um heiminn. Hann ferðast í gegnum Evrópu og Norður-Afríku og lærir heilmikið um matarmenningu ólíkra þjóða, og líka um þjóðflokka og þjóðarrétti. Í leiðinni leitar hann uppi ferskasta hráefnið - villisvín í Frakklandi, sverðfisk við Grikkland, hafsíld í Svíþjóð og rækjur í Feneyjum. Jamie lærir margt nýtt af heimamönnum og menningu þeirra og miðlar því öllu til áhorfenda á skemmtilegan og lifandi hátt.