Stundin Okkar 1988 - 2012 (2012)

Fjögurra diska safn, samtals 13 og hálf klukkustund af efni úr Stundinni okkar frá upphafi til okkar tíma. Stundin okkar er elsti íslenski sjónvarpsþátturinn sem er enn sendur út en fyrsti þátturinn var sýndur á jóladag árið 1966. Brúður léku lykilhlutverk fyrstu árin, þ. á m. Krummi, Fúsi flakkari, Glámur og Skrámur og Páll Vilhjálmsson. Leiknar persónur voru einkenni á þáttum Bryndísar Schram þar sem Laddi var óborganlegur sem t.d. þeir kumpánar Þórður húsvörður og Eiríkur Fjalar. Elías og Klara slógu í gegn, svo og Gunni og Felix sem léku samnefndar persónur í sínum þáttum. Þóra Sigurðardóttir og Jóhann G. Jóhannsson bjuggu svo til persónurnar Birtu og Bárð. Glæsilegt safn sem ætti að vera til á hverju íslensku heimili.