Mirren elskar Diesel

mirrenBreska leikkonan Helen Mirren var í viðtali hjá vefsíðunni Yahoo á dögunum þar sem hún uppljóstraði um aðdáun sína á leikaranum Vin Diesel og Fast and the Furious-myndunum.

Mirren hefur gert ýmislegt á ferlinum en aldrei fengið tækifæri á að leika í mynd þar sem hún keyrir um göturnar á uppfærðum sportbíl með Vin Diesel sér við hlið.

,,Minn metnaður liggur í því að vera í Fast and Furious-mynd,“ sagði Mirren m.a. og tók svo fram reynslu sína af hraðskreiðum bílum í bílaþættinum Top Gear, þar sem hún tók hring á brautinni þeirra. ,,Ég var í Top Gear og þar keyrði ég hringinn á góðum tíma.

Mirren hóf svo áðdáun sína á Diesel. ,,Vin Diesel er magnaður. Ég elska Vin Diesel. Hann er frábær og gáfaður maður,“ sagði Mirren að lokum og verður spennandi að frétta hvort framleiðendur myndanna svari kallinu.

Þess má geta að sjöunda myndin um hraðskreiðu bílanna verður frumsýnd hér á landi þann 1. apríl næstkomandi.