Megan Fox er komin á Twitter en stutt er síðan óprúttinn aðili breiddi þar út kolrangan orðróm um dauða hennar.
„RIP Megan Fox“ flögraði um allt á Twitter, allt þar til Transformers-leikkonan stofnaði sinn eigin Twitter-reikning og leiðrétti vitleysuna. „Ég er ótrúlega sein í partíið en ég er hérna samt sem áður. Hvað gerist næst?,“ skrifaði hún.
Fox bætti við á Facebook-síðunni sinni: „Gegn betri vitund er ég loksins komin á Twitter. Allar mögulegar útgáfur af nafninu mínu eru þegar í notkun þar, þannig að núna er Twitter-síðan mín á MeganFox516. Sjáumst þar.“
Talan vísar í afmælisdag Fox sem er 16. maí.