Það kannast eflaust margir við það að heyra rödd leikarans Bob Saget í þáttunum How I Met Your Mother fyrir aðalpersónuna, Ted Mosby, sem segir syni sínum og dóttur árið 2030 frá atburðunum sem leiddu til þess að hann kynntist móður þeirra.
Hliðarsería af sjónvarpsþáttunum vinsælu eru nú í undirbúningi hjá CBS sjónvarpsstöðinni og er búið að ráða kvikmyndastjörnuna Meg Ryan í hlutverk aðalpersónunnar í framtíðinni, en hún mun einungis ljá persónunni rödd sína líkt og Saget gerði í upprunalegu þáttunum.
Þátturinn gengur undir vinnuheitinu How I Met Your Dad, og verður meira kvenfókuseraður, samkvæmt frétt Deadline vefjarins. Sagan í þáttunum yrði allt önnur en í How I Met Your Mother, með nýjum persónum og nýrri aðalpersónu.