Universal kvikmyndaverið hefur ákveðið frumsýningardag fyrir næstu mynd í Jurassic Park seríunni, þeirri fjórðu í röðinni. Myndin verður frumsýnd þann 12. júní 2015. Myndverið hefur einnig ákveðið nýtt nafn á myndina, en hún mun bera heitið Jurassic World, eða Júraheimur, í lauslegri íslenskri þýðingu.
Leikstjóri verður Colin Trevorrow og handrit skrifar hann og Derek Connolly í sameiningu.
Ekkert er enn vitað um söguþráð.
Sumarið 2015 er farið að líta vel út fyrir kvikmyndaáhugamenn. Avengers: Age of Ultron, önnur myndin í Avengers seríunni frá Marvel, verður frumsýnd þá um sumarið, og sömuleiðis nýja Batman-Superman myndin, þar sem þeir Ben Affleck og Henry Cavill leiða saman hesta sína sem Batman og Superman.