Jim Carrey mun fara með hlutverk í framhaldsmyndinni Anchorman: The Legend Countinues. Þetta var staðfest eftir að sást til hans á tökustað myndarinnar í Atlanta. Það er þó talað um að hann muni spila litla rullu líkt og aðrir góðkunnir leikarar sem taka þátt í framhaldsmyndinni.
Carrey og Anchorman-leikarinn Steve Carrell grínuðust í MTV viðtali á dögunum um að Carrey myndi taka þátt í framhaldsmyndinni og nú virðist sem það sé raunin. Við sýndum myndir frá tökustað Anchorman 2 í gær, þar sem hart var barist á milli fréttamiðla og mun Carrey líklega taka þátt í þeim bardaga.
Margir góðkunnir leikarar munu sjást í framhaldsmyndinni og fyrir utan upprunalega leikhópinn fara Tina Fey, Amy Poehler, Sacha Baron Cohen, Liam Neeson, John C. Reilly, Harrison Ford, Kanye West, Nicole Kidman, Kristen Wiig og nú Jim Carrey með hlutverk.
