Væntanlegar íslenskar myndir

Í Grímsey er nyrsta mannabyggð Íslands en eyjan er aðeins 2.5 km á lengd og hefur verið í byggð samfellt í 800 ár. Þegar best lét bjuggu þar 120 manns en nú er framtíð byggðarinnar tvísýn. Skólinn og fiskvinnslan hafa lokað og aðeins í kringum 30 íbúar eru eftir á eyjunni þegar að kirkjan brennur til grunna. Myndin er óður til Grímseyinga og ástar þeirra á eyríkinu Grímsey.

Þegar strákasveitin ICEGUYS villist óvart inn í alþjóðlegu raunveruleikakeppnina Battle of the Boybands, neyðast þeir til að keppa við aðrar strákasveitir til að tryggja sér opnunarpláss á tónleikaferðalagi hinnar goðsagnakenndu Backstreet Boys. En draumurinn reynist flóknari og hættulegri en þeir bjuggust við.

Þegar lóurnar ákveða að fljúga ekki norður og boða vorið fer fimbulvetur í hönd og snædrottning rís til valda. Ung hugjónarsöm LÓA ákveður að safna saman hópi furðufugla sem leggja á sig stórkostlega hættu í miðju ríkidæmis drottningarinnar til þess að tryggja komu vorsins og þannig bjarga heiminum.

Sagan gerist á sjöunda áratugnum og fjallar um tvo bræður sem eru meðal fyrstu íbúa í nýju úthverfi á Íslandi. Dag einn biður eldri bróðirinn þann yngri um greiða sem mun hafa djúpstæð áhrif á líf þeirra beggja.

Árið 1971 ferðast Jóhanna á æskuslóðir sínar í Flatey til þess að ganga frá málum eftir andlát föður síns. Hún tekur upp þráðinn við rannsókn hans á Flateyjargátunni, gátu sem tengist Flateyjarbók og hefur verið óleyst í 600 ár. Við rannsóknir sínar flækist hún í morðmál og neyðist til þess að takast á við drauga fortíðar til þess að sanna sakleysi sitt.

Þrjú ungmenni takast á við þær áskorarnir sem fylgja þrítugsaldrinum; háskólann, vinnumarkaðinn, sambandsdrauga, rappara og glataða æskudrauma. Hér mætir íslenskur veruleiki óbeisluðu ímyndunarafli.

Fimm þekktir einstaklingar etja kappi í röð súrrealískra, skapandi og oft á tíðum bráðfyndinna verkefna sem reyna á hugkvæmdi þeirra og útsjónarsemi. Jóhann Alfreð, hefur umsjón með þrautunum, en það er Taskmasterinn sjálfur, Ari Eldjárn, sem sker úr um úrslitin og úthlutar stigum jafnt fyrir frammistöðu sem og frumleika og húmor. Þetta er íslensk útgáfa af breskum gamanþáttum sem sameina keppni, furðuleika og húmor á einstakan hátt. Þættirnir hafa verið ótrúlega vinsælir um allan heim og búið er að framleiða 20 seríur. Einnig hafa verið gerðar útgáfur af þáttunum um allan heim meðal annars á Norðurlöndunum, Nýja-Sjálandi, Kanada og Bandaríkjunum

Hér heldur aðalsöguhetjan Kristín og teymi hennar af stað í nýja og hættulega leit að hinum goðsagnakenndu demöntum nasista, sem sagt er að hafi verið faldir í lok síðari heimsstyrjaldarinnar. Þegar Kristín verður vitni að morði kemst hún á sporið og, ásamt félögunum Steve og Einari, reynir hún að ráða dulmál, tónbrot og minjar úr stríðinu sem leiða þau inn á dularfullar söguslóðir Evrópu. Ferðin ber þau frá íslenskum jöklum til finnskra skóga og neðanjarðarganga í Helsinki, þar sem dramatískur lokaslagur fer fram í eyjaklasa Finnlands. Á leiðinni þurfa þau að glíma við svik, leyndarmál og ógnir fortíðar.

Þegar strákasveitin ICEGUYS villist óvart inn í alþjóðlegu raunveruleikakeppnina Battle of the Boybands, neyðast þeir til að keppa við aðrar strákasveitir til að tryggja sér opnunarpláss á tónleikaferðalagi goðsagnakenndrar hljómsveitar. En draumurinn reynist flóknari og hættulegri en þeir bjuggust við.

Bráðskemmtileg íslensk gamansería sem fjallar um nýfráskilda konu sem hellir sér af lífi og sál í það að vera boltamamma með öllum þeim tilfinningum og dramatík sem slíkt getur kallað fram.