Herþyrlur sveima í kringum Godzilla

Herþyrlur sveima í kringum skrímslið Godzilla í nýju kynningarplakati fyrir myndina, sem er væntanleg í bíó í maí 2014.

Godzilla

Upphitun er í fullum gangi fyrir myndina. Þeir sem mættu á ráðstefnuna Comic-Con í San Diego gátu tekið þátt í „Godzilla-upplifuninni“. Þar hafði vöruhúsi verið breytt í efstu hæð skýjakljúfurs í Tókýó þar sem gestir gátu séð stóra, græna skrímslið augliti til auglits.

Með helstu hlutverk í Godzilla fara Aaron Taylor-Johnson, Ken Watanabe, Elizabeth Olsen, Juliette Binoche, David Stratharin, Bryan Cranston og Sally Hawkin.