Jim Carrey ætlar ekki að taka þátt í kynningarherferð Kick-Ass 2 vegna þess að honum þykir myndin of ofbeldisfull.
Fjöldamorðin í skólanum Sandy Hook í Newton í Connecticut í desember síðastliðnum, þar sem 20 skólabörn voru myrt og sex fullorðnir, urðu til þess að Carrey snerist hugur.
Carrey, sem leikur Colonel Stars and Stripes, í þessari framhaldsmynd, skrifaði á Twitter: „Ég lék í Kickass mánuði fyrir Sandy Hook og núna get ég ekki, samvisku minnar vegna, stutt svona mikið ofbeldi. Ég biðst afsökunar á þeim sem tengjast myndinni. Ég skammast mín ekki fyrir hana en nýliðnir atburðir hafa breytt hugarfari mínu.“
