Entertainment Weekly hefur birt fyrstu ljósmyndina af Friends stjörnunni Jennifer Aniston úr myndinni The Yellow Birds, en myndin er dramatísk stríðsmynd þar sem Aniston er móðir ungs hermanns sem sendur er til að berjast í Írak.
Auk Aniston leika í myndinni Jack Huston, Tye Sheridan, Alden Ehrenreich, Toni Collette og Jason Patric.
Alexandre Moors leikstýrir myndinni sem gerð er eftir skáldsögu Kevin Power frá árinu 2012.
Myndin fjallar um tvo unga hermenn, sem Sheridan og Ehrenreich leika, sem gera með sér bandalag um að passa upp á hvorn annan í átökunum sem framundan eru í Írak.
En þegar hlutirnir fara á annan veg en þeir vonuðust eftir, þá á annar þeirra erfitt með að vinna úr eftirleiknum.
Collette leikur móður hermanns rétt eins og Aniston, og Patrick og Huston leika eldri yfirmenn í hernum.
