The Amazing Truth About Queen Raquela hefur hlotið tilnefningu í ár til Kvikmyndaverðlauna Norðurlandaráðs.
Leikstjóri og handritshöfundur er Ólafur Jóhannesson, meðhöfundur er Stefan
Schaefer og framleiðendur eru þeir Ólafur og Stefan ásamt Helga Sverrissyni og Arleen Cuevas. Í fréttatilkynningu frá Norræna kvikmynda- og sjónvarpssjóðnum (Nordisk
Film & TV Fond) segir að alls séu fimm myndir tilnefndar, ein frá hverju Norðurlandi, og eru sigurverðlaunin 350.000 danskar
krónur (um 8,7 milljónir ISK), sem skiptast á milli leikstjóra, handritshöfunda
og framleiðenda.
Í dómnefnd verðlaunanna sitja fyrir hönd Íslands
rithöfundurinn Sjón og varamaður er Sif Gunnarsdóttir, kvikmyndagagnrýnandi.
Þau segja í umsögn sinni um myndina:
Amazing Truth about Queen Raquela er hrífandi og ögrandi kvikmynd sem
segir sögu titilpersónunnar, stelpustráks frá Filipseyjum. Á hógværan máta
er áhorfandanum boðið inn í veröld Raquelu án fordóma, en þó ekki án
þeirrar forvitni sem lífshættir hennar hljóta að vekja. Með því að má út
mörk heimildarmyndar og leikinnar myndar hefur leikstjórinn, Ólafur de
Fleur Jóhannesson, fundið leið til þess að taka mannlega afstöðu til
harðneskjulegs raunveruleika sögupersónunnar um leið og hann nýtur þess
að vinna með alla frásagnarmöguleika „góðrar sögu”.
sem Raquela er að selja sig á götunni eða framan við
vefmyndavélina til siðlauss fjölskylduföður/klámkóngs í New York,
eða sóla sig á ströndinni og versla með vinkonunum, minnir raunsæ og
vonglöð afstaða Drottningarinnar til lífsins okkur á, að það er ekki okkar
að dæma hvort líf annarra er þess virði að lifa því.
Frá Finnlandi, Sána (Sauna),
leikstjóri AJ Annilla, handritshöfundur
Iiro Küttner, og framleiðendur Tero Kaukomaa og Jesse Fryckman (Solar
Films).
Frá Noregi, Norður (Nord), leikstjóri Rune Denstad
Langlo, handritshöfundur Erlend Loe og framleiðandi Sive Endersen
(Motlys).
Frá Svíþjóð,Ljósár (Ljusår), leikstjóri
og handritshöfundur Mikael Kristersson
og framleiðandi Lisbet Gabrielsson (Lisbet
Gabrielsson Film AB).
Græna ljósið
sýnir allar myndirnar fimm dagana 11. – 13. september í Háskólabíói og tekur þar með þátt í kvikmyndaviðburðum sem fara
fram í öllum höfuðborgum Norðurlandanna á næstu vikum. Almenningi í öllum
löndunum gefst þar með í fyrsta skipti tækifæri til að sjá allar þær myndir sem
hljóta tilnefningu í ár, segir einnig í tilkynningunni.
