Kick-Ass (2010)

Ég vil taka það fram að ef þú ætlar að lesa þetta án þess að hafa séð myndina þá skaltu sjá hana fyrst eða láta mig spilla fyrir þér þessum yndislega söguþræði sem hú hefur vegna þess að ég ætla mér að tala um hana í mikilli dýpt og finnst það erfitt án þess að minnast á söguþráðinn eitthvað. En ég mun minnast á hvenær ég spilli einhverjum Plot-point.

Til að byrja með skemmti ég mér konunglega í bíóinu og hló hressilega að flestum senum, einn stærsti galli myndarinnar er þessi ofleikur ===SPOILER BYRJAR=== í Nicolas Cage í senuni þegar hann deyr. Kjánalegasta og óþarfasta senan í myndinni === SPOILER ENDAR=== En einhver sá besti punktur myndarinnar eru allar þessar vísarnir í gamlar myndir sem nördar eins og ég elska, það eru vísanir í myndir á borð við Scarface, Batman og Il Buono, Il Brutto Il, cattivo(The Good, The Bad And The Ugly).



Leikurinn er yfir höfuð frábær og ég elska í senunum með Big Daddy þegar Nicolas Cage leikur línurnar sínar í Adam West stíl þar sem hann líkist batman ekki lítið. Aaron Johnson var góður og persónan viðkunnanleg, man að mér fannst leiðinlegt ===SPOILER BYRJAR=== þegar hann er stunginn af 2 rugludöllum með hnífa === SPOILER ENDAR=== en það eru nokkrar senur þar sem hann lætur eins og algjör fábjáni og mér finnst stundum skrítið hvernig hann labbbar bara á götunni í búningnum eins og ekkert sé, en ég ætla ekki að nitpicka á svoleiðis smáatriði. Eini leikarinn sem mér fannst ekki gera neitt var Mark Strong, hann hefur leikið "The Villain" nógu oft, hann var ágætur í Sherlock Holmes en hér er hann búinn með kvótann. Hins vegar fílaði ég Cristopher Mintz-Plasse í tætlur þótt hann hafi átt frekar fáar senur.

En senuþjófurinn hér er hinn 11 ára Chloe Moretz. Hún stelur ölum atriðum sem hún kemur í og er svo frábærlega klikkuð persóna. Handritið er tær snilld og skemmtilegar línur koma ávallt. Hinsvegar fannst mér ótrúlegt að svona góður stemmari gæti komið af sama manni og gerði hina hálf-slöppu Stardust sem hafði lítið annað en satírskt atriði með Robert De Niro í kjól. Matthew Vaughn er búinn að sanna sig fyrir mér og mér hlakkar til að sjá hvort hann geti toppað þessa snilld. Annars vegar verð ég að taka það fram að ég ELSKA hvernig þessi mynd er siðferðilega röng og alltaf svo "Over-the-top".... en það er ekki fyrir alla.


Gef henni sterka 9/10 og mæli með henni ef þú ert með steiktann húmor, fílar vísanir í gamlar myndir eða vilt bara skemmta þér í tæpa 2 tíma. Besta mynd sem ég hef séð á árinu.... hingað til.

Kick Ass.

Frammistaða Aaron Johnson sem titil persóna myndarinar 'Kick Ass'
var nokkuð góð , en féll allgjörlega í skugga Chloe Moretz í hlutverki
Hit Girl, sem að mínu mati er einhver svalasti kvikmynda karakter sem ég hef séð lengi!
Christopher Mintz-Plasse komst ágætlega frá sínu hlutverki sem Red Mist , rétt eins og Nicolas Cage sem hinn stórfurðulegi Big Daddy, og svo ef við höldum áfram með leikara frammistöður þá fannst mér Clark Duke og Even Peters virkilega skemmtilegir þarna í aukahlutverkum sem vinir Kick Ass/Dave Lizewski.

Myndinn sjálf skartaði flottu,skemmtilegu,brútal og mjög svo áhugaverðu ploti og athyglivert að þetta hafi ekki komið upp áður (eða allvega hef ég ekki séð mynd með svipuðu ploti sem ég man eftir).
Actionið mjög flott og virkilega flottar og vel heppnaðar tæknibrellur. Má kannski segja að hún sé ákveðin sýra en það er þá á mjög svo góðan hátt.


mæli klárlega með að fólk drífi sig á þessa æðislegu mynd.
Einkun: (9/10) frá mér.

Ég hafði aldrei neitt mikla trú á þessari mynd. Það er kannski bara ég, en áhugi minn á ofurhetjamyndum hefur aldrei verið upp á það besta upp á síðkastið.

Kick-Ass er án efa ein besta og ein klikkaðasta ofurhetjamynd sem ég hef séð.

Plúsar:
1 - Handrit myndarinnar er rosalega gott. Mikill plús í þessu.
2 - Action-ið er ómótstæðilega gott.
3 - Leikararnir eru upp á sitt besta, og leikstjórinn Matthew Vaughn heldur þessu á réttum kjöl.
4 - Tæknibrellurnar eru frábærar.
5 - Myndataka og klippingar eru til fyrirmyndar.
6 - Myndina vantar ekki ofbeldið og blóðið. Sum atriði eru einum of góð.
7 - Myndin gæti alveg verið tilnefnd sem besta myndin, hún er ekkert flopp.
8 - Hún er fáranlega fyndin einnig, ein skets sem ég vældi úr hlátri.
9 - Chloë Moretz skarar fram úr og á mikla framtíð fyrir sér. Á skilið einn heilan fyrir það.

Ég gef henni engan mínus og ég mæli með að þú horfir á hana STRAX! Ég held mikið upp á hana og hún kom mér ótrúlega á óvart. Hún er hæfilega löng, popp og kók og bara enjoy ;)

9/10

Kick-Ass er ein af þessum myndum sem mig dauðlangaði að sjá aftur um leið og hún kláraðist. Hún er bara svo snargeðveik í alla staði; flippuð, yfirdrifin, ofbeldisfull, stílísk og meiriháttar fyndin. Ég mana hvern og einn til að segjast ekki hafa notið hennar í botn, eða a.m.k. notið hennar á einhvern hátt. Ég vildi jafnvel óska þess að fleiri myndir væru eins og hún, þ.e.a.s. algjörlega óhræddar við það að gera hvað sem þeim sýnist.Matthew Vaughn nær fullkomlega að láta þetta sturlaða efni virka. Hefði verkefnið lent í vitlausum höndum hefði hér getað orðið stórslys. Það hefði náttúrulega ekki verið erfitt að klúðra tóninum þar sem myndin þarf sífellt að berjast við það jafnvægi að taka sig aldrei of alvarlega en samt passa sig á því að vera ekki of kjánaleg svo við missum öll tengsl við persónurnar. Myndin er algjör bræðingur af mismunandi stílum. Eina stundina er hún létt unglingamynd, þá næstu er hún brútal glæpamynd eða ofurhetjumynd sem hefur skellt ofan í sig haug af orkudrykkjum. Vaughn sýndi merki um öflug stílbrögð og dökkan húmor í Layer Cake og Stardust, en í hans augum voru þær einungis upphitanir því hérna er kallinn að leika sér eins og smákrakki á rólóvelli og maður finnur strax fyrir umhyggjunni sem hann hefur gagnvart efninu.Þrátt fyrir að myndasagan sé skrifuð af Mark Millar þá er bíómyndin alveg 100% í eigu Vaughns. Burtséð frá því að vera kvikindislega skemmtileg frá upphafi til enda þá kryddar maðurinn alveg meistaralega upp á ræmuna með bilaðslega flottum klippingum, frábærri myndatöku sem notar sífellt gullfallega litapallettu - þar sem skæru litirnir poppa glæsilega út - og trylltu soundtrack-i (sem nær alveg frá Prodigy til Ennio Morricone, New York Dolls og John Murphy tónlistarinnar úr 28 Days Later) sem smellur svo vel við senurnar að maður fær næstum því gæsahúð. Ég verð síðan að minnast örlítið á þetta ljúffenga ofbeldi sem einkennir þessa mynd. Vaughn hefur nefnilega mikla vinnu lagt í að gera hverja einustu hasarsenu ólíka frá þeirri næstu. Þær eru allar stórskemmtilegar, en nokkrar fannst mér vera svo svalar að ég var við það að springa af gleði. Endilega hafið auka nærföt við hendi.Ég dýrka líka hvað myndin kemst auðveldlega upp með það að vera svo "over-the-top" í sumum frammistöðunum. Allir sem munu sjá þessa mynd munu samt viðurkenna að hin 12 ára Chloë Moretz (Hit Girl) beri höfuð og herðar yfir alla aðra. Hún hittir ekki bara naglann á höfuðið í hverri einustu senu, heldur er hún án efa einhver harðasta persóna sem ég hef séð á undanförnum árum. Ekki endilega barnapersóna, heldur persóna yfir höfuð! Hún og pabbi hennar (Big Daddy - leikinn af Nicolas Cage) eru nánast álíka klikkuð og helstu illmenni myndarinnar og það er eitthvað svo lúmskt gaman við þá tilhugsun. Manni líkar samt alltaf vel við þau, sama hvaða geðveiki er gefin til kynna. Cage er annars sjálfur mjög eftirminnilegur og einstaka sinnum bráðfyndinn, sérstaklega þegar hann kemur með sína Adam West-eftirhermu. En eins mikla virðingu og ég ber fyrir manninum fyrir sína góðu daga, þá freistast hann alltof mikið til að detta út í ofleik, sem virkar ekki alltaf. Seinasta senan með honum í Kick-Ass er tilvalið dæmi. Eitthvað var bara ekki rétt.Aaron Johnsson kemur vel út sem titilkarakterinn, og þrátt fyrir að vera þrjóskur lúði á köflum tekst manni að hvetja hann áfram. Við hlæjum semsagt bæði að honum og með honum. Það er einkum sérstakt að hugsa til þess að drengurinn sé breskur því hann felur hreiminn alveg geysilega vel. Mark Strong og Christopher Mintz-Plasse eru reyndar þeir einu sem gera ekkert með hlutverk sín hér sem þeir hafa ekki gert áður. Þeir voru alls ekki slæmir, en bara áberandi óminnisstæðir miðað við hina. Strong er líka hér með búinn að sprengja kvótann sinn sem "vondi kallinn" í bili. Kominn tími á að hann finni sér eitthvað annað að gera.En hvað get ég sagt? Ég fílaði Kick-Ass í döðlur! Mér finnst eins og Vaughn og Millar hafi í sameiningu skapað bíómynd sem er algjörlega sérsniðin handa mér og svipuðum nördum sem elska t.d. ýktan hasar, svartan húmor, einfaldar, sterkar persónur og tilvísanir í alls konar myndasögur og kvikmyndir. Eins og ég sé ekki búinn að dæla nógu mörgum hrósyrðum í hana nú þegar þá vil ég bæta því við að hún er almennt fersk, kjörkuð og hefur aldrei nokkurn tímann dauðan punkt. Svona myndir eru gerðar til þess að sjá með fullt af fólki og ég hvet ykkur allra helst til að sjá hana með félögum ykkar. Eins og efsti textinn gaf til kynna þá mun ég pottþétt sjá hana aftur. Annað væri hreinasta óvirðing. Ég hef ekki skemmt mér svona vel yfir stílísku ofbeldi síðan Sin City kom út, og líklegast Kill Bill vol. 1 þar á undan.8/10 - Sterk átta. Á mörkum þess að ná níunni.(ATH! Ef þið getið, reynið að forðast þá hrúgu af trailerum sem eru til fyrir myndina. Þeir sýna of mikið af atriðum sem þú vilt frekar njóta í myndinni sjálfri)