Vill verða humar

Fyrsta stiklan úr hinni kaldhæðnu The Lobster, eða Humarinn, er komin út, en með helstu hlutverk í myndinni fara þau Colin Farrell, Rachel Weisz, John C. Reilly, Olivia Colman, Ben Whishaw, Lea Seydoux, Jessica Barden, Ashley Jensen, Angeliki Papoulia, Ariane Labed og Michael Smiley.

humar

Myndin er fyrsta mynd gríska leikstjórans Yorgos Lanthimos (Dogtooth, Alps), á ensku.

The Lobster er ástarsaga sem gerist í nálægri framtíð þar sem einhleypt fólk, samkvæmt lögum The City, eða Borgarinnar, er handtekið og flutt á The Hotel, eða Hótelið. Þar þarf fólkið að finna sér maka innan 45 daga. Ef þeim mistekst þá er þeim breytt í dýr að eigin vali og sleppt í The Woods, eða Skóginn.

Örvæntingarfullur maður sleppur frá Hótelinu og út í Skóginn þar sem The Loners, eða Einstæðingarnir, búa og verður ástfanginn, þó það sé algjörlega gegn reglum þeirra.

Kíktu á stikluna hér fyrir neðan: