Ungstirnið Shia LaBeouf datt heldur betur í lukkupottinn um helgina þegar hann slasaðist í slagsmálum sem áttu sér stað fyrir utan bar í Los Angeles. Leikarinn, sem hefur getið sér nafn fyrir að taka illa í að vera ónáðaður af aðdáendum, endaði með sprungna vör og vænt glóðurauga samkvæmt viðstöddum.
LaBeouf var staddur á bar ásamt félögum sínum þegar maður gekk að honum og bað um að tekin yrði mynd af þeim saman. LaBeouf neitaði og rak manninn í burtu. Seinna um kvöldið yfirgaf LaBeouf barinn og gekk framhjá sama manni. Aðdáandinn heilsaði leikaranum, en LaBeouf svaraði „Hunskastu frá mér.“
Aðdáandi LaBeouf snéri sér þá að félögum sínum og kallaði LaBeouf illum nöfnum, en stjarnan lét ekki bjóða sér slík og veittist að manninum. Maðurinn varð fyrri til og sló LaBeouf með krepptum hnefa í andlitið. Stuttu seinna birtist lögreglan á svæðið og enduðu báðir menn í skýrslatöku. Hvorugur þeirra lagði fram kæru, en samkvæmt vitnum var LaBeouf tuskaður ansi vel til.
– Bjarki Dagur