Marvel, sem er í eigu Disney, og netvídeóleigan Netflix, tilkynntu í dag að þau ætluðu að framleiða fjórar leiknar sjónvarpsseríur og eina stuttseríu, sem byggðar verða á nokkrum af vinsælustu persónum Marvel.
Framleiðsla þáttanna hefst í byrjun árs 2015.
Fyrst verður gerð sería um Daredevil, ( Sjá mynd að ofan ) þá Jessica Jones ( sjá mynd að neðan ), næst er komin röðin að Iron Fist og Luke Cage rekur lestina.
Netflix skuldbindur sig til að gera fjórar þrettán þátta seríur um þessar persónur, en hámarki nær framleiðslan með gerð stuttseríu um The Defenders, draumalið ofurhetja sem er tilbúið að fórna öllu fyrir réttlætið.
