Gagnrýni eftir:
Terminator Salvation0 af 0 fannst gagnrýnin hjálpleg
3 Salvation T4 er fín sumarræma en hún skilur ekki mikið eftir sig. Mér fannst mjög gaman að sjá loksins framtíðina sem var búið að teasa í gegnum allar hinar myndirnar. Frumstæðu tortímendurinar voru líka svalir. Stóri var reyndar aðeins of mikið Transformers en mótorhjólin og ormarnir voru nokkuð töff. Það var varla hægt að búast við meistaraverki með McG í leikstjórastólnum en hann stóð sig ágætlega. Hasar atriðin voru spennandi með svölum Hunter Killers flugvélum og myndatakan var fín. Vandamálið var handritið. Sagan í þessari mynd er ansi slöpp og vekur fleiri spurningar en hún svarar. Kannski er það af því að þetta er hugsanlega fyrsta af 3 nýjum framhöldum, en hver veit. Christian Bale hefur fengið mikið skítkast fyrir hlutverk sitt í myndinni. Hann var mjög stífur og brosti ekki einu sinni. Samt sem áður fannst mér hann ekki svo slæmur að það fór í taugarnar á mér. En vonbrigði frá svona flottum leikara. Sam Worthington var mun betri sem Marcus Wright og Anton Yelchin var mjög góður sem ungur Kyle Reese. Það er twist í þessari mynd sem er óþolandi augljóst og getur hugsanlega valdið heilaskemmdum fyrir hugsandi áhorfendum. Ég skemmi þó ekki. Mér fannst geggjað að sjá tölvugerðan Arnold í Skynet verksmiðjunni sem minnti ansi mikið á verksmiðjuna í T2 en hvað um það. Annars gat ég ómögulega skilið af hverju það var bara sendur einn terminator þegar þeir voru með svona þúsund! Það voru tilvitnanir hér og þar í gömlu myndirnar. Minni hlutir eins og hvernig haglabyssa er gripin og viðbrögð við höggi komu beint úr T2. Svo þurfti Bale auðvitað að segja “I´ll be back” og Reese að segja “come with me if you want to live”. Allt í allt góð skemmtun að mínu mati en jafnast EKKERT á við fyrstu tvær. Mun einhver Terminator mynd einhverntímann gera það? Hæpið.
“Two day old coyote. It's better than three day old coyote.”