Ertu skarpari en skólakrakki (2007)

Þátturinn Ertu skarpari en skólakrakki? á Skjá einum er einkar vel heppnaður þáttur. Það er ekki síst að þakka þeim kátu krökkum sem þar birtast á skjánum og vita hluti sem full- orðnir eru fyrir löngu búnir að gleyma. Strax í byrjun varð Hannes mitt eftirlæti. Hann hefur prakkaralegt andlit og sýnist uppátækjasamur. Ég hef staðfasta trú á þannig börnum. Í síðasta þætti var Hannes lykilmaður og leiddi þátttak- anda til stórsigurs, og hefði getað vísað honum alla leið. Þátttakandinn kaus hins vegar að hætta keppni fremur en taka óþarfa áhættu. Val sem var vel skiljanlegt. En frammistaða Hann- esar vakti mikla lukku á mínu litla heimili. Í þessum þáttum er spurt um alls kyns hluti sem maður átti víst að vita einu sinni en er fyrir löngu búinn að gleyma. „Til hvers er ég að læra þetta?“ spurði maður kennarann í gamla daga og hann svaraði: „Þú munt vita það þegar þú ert orðin stór.“ Svo varð maður stór og man ekkert! Skólaseta er til lítils enda eru skólar bara geymslustaðir. Það sem skiptir máli lærir maður af bókum sem hægt er að lesa heima og af góðu fólki. En hvað sem því líður þá er Ertu skarpari en skólakrakki? prýðis skemmtun.