Matt Reeves leikstjóri Apaplánetunnar 2, eða The Dawn of the Planet of the Apes, hefur birt fyrstu ljósmyndina af tökustað myndarinnar á Twitter síðu sinni, en myndin er hér að neðan:
Við sögðum frá opinberum söguþræði myndarinnar fyrr í vikunni, en hann er eitthvað á þessa leið: Sífellt stækkandi hópur af erfðabreyttum öpum undir stjórn Caesar, mætir nú andspyrnu frá hópi manna sem lifði af hinn stórhættulega vírus sem slapp út áratug fyrr. Þeir semja um vopnahlé, sem reynist verða skammlíft, þar sem báðir aðilar búa sig undir stríð sem mun ákvarða hvaða tegund muni verða ráðandi á Jörðinni í framtíðinni.
Í myndinni leika m.a. Andy Serkis, sem leikur apann Caesar, Jason Clarke, Toby Kebbell, Keri Russell, Gary Oldman, Kodi Smit-McPhee, Kirk Acevedo, Enrique Murciano og Judy Greer.
Myndin verður frumsýnd 23. maí 2014.