Katie Holmes yfirgefur umboðsskrifstofu Cruise

Katie Holmes hefur sagt skilið við sömu umboðsskrifstofu og fyrrverandi eiginmaður hennar, Tom Cruise, hefur lengi verið á mála hjá.

Samkvæmt Deadline.com hefur Holmes yfirgefið CAA og gengið í staðinn til liðs við ICM. Hún er sögð vilja blása nýju lífi í ferilinn hjá nýrri umboðsskrifstofu.

Eflaust spilar það eitthvað inn í ákvörðunina að Broadway-leikrit hennar, Dead Accounts,  gekk illa og var blásið af vegna dræmrar miðasölu.