Kvikmyndaleikkonan Anne Hathaway sem leikur Kattarkonuna í næstu Batman mynd, The Dark Knight Rises, segist hafa verið að spá í að fá sér kött til að undirbúa sig fyrir hlutverk sitt í myndinni, og til að komast í nánari tengsl við köttinn í sjálfri sér, en ákvað á endanum að gera það ekki.
„Það kom ákveðin stund þegar ég var að taka upp myndina í London, þar sem ég sannfærði einn aðstoðarleikstjórann um að fá sér kött með mér,“ sagði Hathaway í samtali við tímaritið Interview.
„Ég ætlaði að sjá um dýrið meðan ég væri í London, en skilja það svo eftir hjá leikstjóranum þess á milli. Síðan, sem betur fer, benti eiginmaður minn mér á það að þetta væri mjög slæm hugmynd, meðal annars vegna þess að þetta yrði mjög ruglandi fyrir köttinn.“
Ef Hathaway hefði fengið sér kött hefði hún kannski getað æft þennan svip hér að neðan: