Marvel gaf í dag út opinberan alheimsfrumsýningardag fyrir risa-ofurhetjumyndina sem margir bíða eftir, Avengers: Age of Ultron, sem er önnur Avengers myndin, en sú fyrri sló öll met í miðasölunni.
Myndin mun samkvæmt tilkynningu Marvel verða frumsýnd þann 24. apríl árið 2015 utan Bandaríkjanna, en Bandaríkjamenn verða að bíða einni viku lengur en við hin, en frumsýningardagur þar í landi er 1. maí 2015.
Staðfest er að myndin verður sýnd í Bretlandi og á Írlandi á þessum degi, en fljótlega bætast fleiri lönd á listann, og kannski verður Ísland þar á meðal, hver veit!