Leikstjórinn Peter Jackson var lagður inn á Wellington-sjúkrahúsið í London vegna mikilla magaverkja. Í ljós kom að Jackson þjáðist af magasári og var honum flýtt í aðgerð.
Það hefur varla farið framhjá neinum að Jackson vinnur nú hörðum höndum að The Hobbi, en framleiðsla er sögð tefjast þangað til leikstjórinn nái fullum bata. Framleiðslan á The Hobbit hefur ekki verið laus við vandræðin en hana hefur áður þurft að stöðva vegna ýmissa vandamála, þar á meðal að MGM varð gjaldþrota og áætlaður leikstjóri myndarinnar, Guillermo Del Toro, hætti við.
Í fréttatilkynningu sem framleiðendur The Hobbit gáfu út segir, „Aðgerð Peters gekk vonum framar og læknar hans fullvissa okkur um að hann muni ná fullum bata. Veikindi hans munu ekki hafa áhrif á ákvörðun hans að leikstýra The Hobbit.“
– Bjarki Dagur
