Bílatryllirinn Fast and the Furious 6 er frumsýnd nú um helgina í bíóum á Íslandi og frumsýnd víða um heim. Universal kvikmyndaverið notaði tækifærið og sendi á netið fyrstu stikluna fyrir næstu mynd Vin Diesel, Riddick, en Diesel er einmitt ein af aðalstjörnunum í Fast 6.
Sjáðu stikluna hér fyrir neðan:
Aðrir sem leika í myndinni eru m.a. Karl Urban, Jordi Molla, Matt Nable, Katee Sackhoff, Bokeem Woodbine, Dave Bautista, Conrad Pla, Raoul Trujillo, Nolan Funk og Keri Hilson.
Söguþráður myndarinnar er þessi: Hinn alræmdi Riddick var svikinn af eigin fólki og skilinn eftir á eyðiplánetu. Riddick berst þar fyrir lífi sínu gegn geimófreskjum og verður sífellt sterkari og hættulegri. Fljótlega koma hausaveiðarar annarsstaðar að úr sólkerfinu og sækja að Riddick en verða einungis peð í hefndaráætlun Riddick. Nú er Riddick með óvini sína nákvæmlega þar sem hann vill hafa þá. Riddick hefnir sín nú af öllum krafti áður en hann snýr aftur heim á plánetuna sína Furya til að bjarga henni frá gereyðingu.
Riddick verður frumsýnd í Bandaríkjunum 6. September nk.
