VolgtVatn

Dans- og söngvaatriðin eru flest mjög flott. Kvikmyndaupptakan er einnig mjög fín á köflum. En annars vantaði mikið upp á söguþráðinn og flæði sögunnar. Oft var eins og hoppað væri mjög skyndilega úr einu yfir í annað, og samtölin voru mörg frekar stirð og vandræðaleg. Persónurnar hefðu margar mátt vera betur þróaðar. Að undanskildri Hófí og pabba hennar vitum við lítið sem ekkert um hinar persónurnar í lok myndar, og eina persónan sem hægt er að segja að fái einhverja almennilega karakterþróun er pabbi Hófíar. Að því sögðu er þetta góð og mjög þörf viðbót við íslenskar tónlistarmyndir, myndin nýtur sín vel á stóra skjánum og er vel þess virði að sjá fyrir áhugafólk um söngva- og dansmyndir.