Keanu tældur og pyntaður í Knock, Knock stiklu

Fyrr á þessu ári sýndum við hér á kvikmyndir.is kitlu úr spennutryllinum Knock, Knock með Keanu Reeves í hlutverki fjölskylduföður sem er tældur og pyntaður af tveimur ungum konum sem banka upp á hjá honum kvöld eitt þegar fjölskyldan er í burtu.

knock-banner-5-22

Nú er komin stikla í fullri lengd sem má sjá hér fyrir neðan:

Myndin, sem var frumsýnd á Sundance kvikmyndahátíðinni í janúar sl. við misjafnar undirtektir, sækir innblástur í mynd Peter S. Traynor frá árinu 1977, DEATH GAME.

Myndin verður frumsýnd í Bretlandi 26. júní 2015, en ekki er vitað enn hvort eða hvenær myndin kemur í bíó hér á landi.