The Hobbit: An Unexpected Journey situr sem fastast á toppi íslenska aðsóknarlistans, en myndin var á toppnum í síðustu viku einnig, og hefur verið núna í þrjár vikur á lista.
Í öðru sæti er nýjasta Tom Cruise myndin, Jack Reacher, en hún er ný á lista. Í þriðja sæti er hamfaramyndin The Impossible og fer niður um eitt sæti. Í fjórða sæti, líka niður um eitt sæti, er hin Óskarstilnefnda Life of Pi og í fimmta sæti einnig niður um eitt sæti er hrollvekjan Sinister.
Fimm nýjar myndir, auk Jack Reacher, eru á listanum. Fjórar þeirra eru á franskri kvikmyndahátíð í Reykjavík sem nú stendur yfir, en sú fimmta er nýjasta mynd Paul Thomas Anderson; The Master.
Sjáðu listann í heild sinni hér að neðan:
