Helen Mirren er skólastjóri skrímslaskólans – stikla og brot

Skólastjóri Skrímslaháskólans í teiknimyndinni Monsters University sem væntanleg er í sumar, Dean Hardscrabble, flytur okkur sérstök skilaboð í nýrri stiklu úr myndinni.

Það er breska leikkonan Helen Mirren sem leikur skólastjórann.

Hlustaðu á skilaboðin frá Mirren hér að neðan:

Nýlega var einnig frumsýnt í spjallþætti Jimmy Fallon, brot úr myndinni sem sýnir það þegar aðalpersónurnar, Mike Wazowski, sem Billy Crystal talar fyrir, og James P. Sullivan, sem John Goodman talar fyrir,  hittast fyrst.

Í myndbandinu ræðir Goodman um Monsters University og fleiri væntanlegar myndir sínar, en ef þú vilt spóla beint inn í Monsters brotið, þá byrjar það á 2.10 mínútu.

Monsters University er forsaga að myndinni Monsters Inc. frá árinu 2001 og fjallar um þá Mike og Sulley, þeirra fyrstu kynni og hvernig þeir leystu úr ágreiningsefnum og urðu síðan bestu vinir.

 

Myndin verður frumsýnd 21. júní nk. í Bandaríkjunum.