Katniss Everdeen, leikin af Jennifer Lawrence, aðalhetjan í The Hunger Games: Catching Fire, sem væntanleg er í bíó 22. nóvember nk., segir hér í þessu fyrsta heila atriði úr bíómyndinni sem birt er, að hún hafi aldrei ætlað að verða byltingarhetja. Það eina sem hún vilji sé að tryggja öryggi fjölskyldunnar og ástvina.
Til allrar óhamingju, þá fær hún ekki að ráða örlögum sínum sjálf því hinir undirokuðu íbúar Panem þarfnast hennar til að standa uppi í hárinu á yfirvöldum. Og Gale talar máli fjöldans: „Þú hefur ekki sært fólk, Katniss – þú hefur gefið því tækifæri. Það verður bara að vera nógu hugrakkt til að nota það.“
Sjáðu atriðið hér fyrir neðan en það er mótleikari Lawrence, Liam Hemsworth, sem leikur Gale, sem kynnir það í spjallþætti Jay Leno.
