Óskarsverðlaunahafinn Jennifer Lawrence og meðleikari hennar Josh Hutcherson eru björt yfirlitum á nýjum plakötum fyrir nýju Hunger Games myndina, The Hunger Games: Catching Fire.
Á annarri myndinni heldur persóna Lawrence, Katniss Everdeen, á hvítum rósavendi og þétt við hlið hennar stendur persóna Hutcherson, Peeta Mellark.
„Sigurferðalag Katniss Everdeen og Peeta Mellark, sigurvegara 74. Hungurleikanna,“ segir á plakatinu í lauslegri þýðingu.
Myndin var fyrst birt á Facebook síðu myndarinnar.
Á Facebook síðunni segir einnig: „The Capitol tilkynnir með stolti að sigurvegarar 74. árlegu Hungurleikanna, Katniss Everdeen & Peeta Mellark, á leið í sigurferð sína! Fylgist með á The Capitol PN til að sjá nýjustu fréttir.“
Fyrsta myndin, The Hunger Games, sló í gegn og þénaði 686 milljónir Bandaríkjadala um heim allan á síðasta ári. Miklar væntingar eru því gerðar til framhaldsmyndarinnar sem kemur í bíó í Bandaríkjunum 21. nóvember nk.
