Vin Diesel er orðaður við aðra hverja mynd í dag. Nú hefur hann ákveðið að taka að sér aðalhlutverk rómantísku gamanmyndarinnar NY Giant. Í myndinni myndi hann leika leikmann ameríska fótboltaliðsins New York Giants. Hann gerir stóran styrktarsamning, og í honum felst að hann þarf að fara á kennslunámskeið í almennum mannasiðum og kurteisi, vegna ruddalegrar framkomu sinnar. Honum kemur illa saman við stífa, en gullfallega, kennslukonu sína, en síðar meir mun andúð þeirra breytast í ást. Michael Ellis og Pamela Falk ( The Wedding Planner ) eru að skrifa handritið, og Diesel mun sjálfur framleiða.
