Eftirfarandi er fréttatilkynning frá Myndform:
Nú um helgina eru allra síðustu sýningar á gamanmyndinni Jóhannes sem hefur slegið í gegn á Íslandi, nú þegar hafa rúmlega 35.000 manns séð myndina og fer hver að verða síðastur að sjá hana í bíósal.
Í myndinni leikur Laddi Jóhannes, myndlistarkennara sem upplifir dag sem ætlar
engan endi að taka. Þessi ólukkudagur hefst á því að Jóhannes, af
sannri riddaramennsku, stoppar fyrir ungri stúlku (Unnur Birna) í
rigningu á Reykjanesbrautinni. Á vegi Jóhannesar verða ýmsir
skrautlegir karakterar, bandbrjálaður öfundsjúkur kærasti,
metnaðarfullur skólastjóri, óalandi unglingur og kostulegt
lögregluþjónatvíeyki.