Maíblað Mynda mánaðarins er nú komið út og ætti að vera fáanlegt á öllum dreifingarstöðum auk þess sem hægt er að skoða það hér á síðunni. Blaðið inniheldur sem áður kynningar á þeim myndum sem væntanlegar eru í bíóhúsin í mánuðinum svo og á DVD og Blu Ray, auk ýmiss annars efnis.
Þar á meðal er lóuleikur sem gengur út á að lesendur finni litla lóu sem falin er einhvers staðar í bíóhluta blaðsins, skelli sér síðan inn hér inn, eða smelli á lóuleikinn hér efst á síðunni, segi á hvaða blaðsíðu lóan litla er og skilji eftir fullt nafn, heimilisfang og póstnúmer.
Þar með er viðkomandi orðin(n) þátttakandi í leiknum og gæti orðið einn af fimm heppnum sem vinna bíómiða fyrir tvo í eitthvert kvikmyndahúsanna, en dregið verður úr innsenndum lausnum þann 18. maí.
Þannig að … farðu og finndu lóuna og taktu þátt.