Jerry vinnur á bílasölu tengdaföður síns, og er kominn í fjárhagsvandræði. Hann prófar ýmis úrræði til að redda sér peningum, sem hann þarfnast af óútskýrðum ástæðum. Svo virðist sem tengdafaðir hans sé um það bil að komast að gríðarmiklum fjárdrætti hans frá bílasölunni. Þegar allar tilraunir hans til að redda sér peningum mistakast, þá ákveður hann að hrinda í framkvæmd áætlun sem hann hafði undirbúið nokkru áður, en hún snýst um að fá tvo menn til að ræna eiginkonu hans, og heimta svo lausnargjald frá tengdaföðurnum, sem er vellauðugur. En eftir að mannránið á sér stað, fara hlutirnir strax að fara úrskeiðis, og það sem átti að vera snyrtileg og ofbeldislaus aðgerð, verður sífellt blóðugri og ofbeldisfyllri. Jerry fer í mikið uppnám vegna blóðbaðsins, og brátt mætir á svæðið hinn kasólétti lögreglustjóri MN frá Brainerd, sem er ákveðin í að reyna að finna hver framdi morðin þrjú í umdæmi hennar.
Sjá allt um Fargo →