13 myndir mánaðarins

Josh Hutcherson

Leikarar mánaðarins

Sam Worthington, sem heitir fullu nafni Samuel Henry J. Worthington, er fæddur í Surrey á Englandi 2. ágúst 1972 en futti ungur til Ástralíu þar sem hann ólst upp. Sam ætlaði sér aldrei að verða leikari en lagði inn umsókn í leiklistarskóla í Ástralíu

ásamt félaga sínum og komst inn, en hann starfaði þá sem múrari. Sam fór alla leið og útskrifaðist og sló síðan hressilega í gegn í áströlsku myndinni Somersault þar sem hann lék aðalhlutverkið á móti Abbie Cornish.

Sam snýr nú aftur á tjaldið sem hetjan Perseus í myndinni Wrath of the Titans en kvikmyndaáhugafólk man einnig vel eftir honum í myndum eins og Avatar og

Terminator: Salvation .

Þess má til gamans geta að hann var næstur í röðinni til að verða fyrir valinu sem James Bond þegar Daniel Craig hreppti það hlutverk.

SamWorthington

Josh Hutcherson er fæddur þann 12. október 1992 í Kentucky-fylki Bandaríkjanna. Hann sýndi snemma afburðahæfleika og þegar hann var níu ára gamall ákváðu foreldrar hans að hann væri nógu góður til að þau fyttu til Los Angeles og einbeittu sér að frama hans á leiklistarsviðinu.

Þar með hófst árslöng vinna þeirra við að koma Josh á framfæri og hann fór í margar prufur áður en hann datt í lukkupottinn og fékk sitt fyrsta hlutverk í sjónvarpsmynd. Þar stóð hann sig svo vel að hann var ráðinn í aukahlutverk í ER . Um leið opnuðust margar dyr og á næstu árum, frá 2003 til 2011, lék hann m.a. í American Splendor , Kicking & Screaming , Bridge to Terabithia, The Kids Are Allright, Journey To the Center of the Earth og

Journey 2: The Mysterious Island . Hann leikur nú eitt aðalhlutverkið í stórmyndinni The Hunger Games sem verður frumsýnd þann 23. mars og spáð er að verði einn af stórsmellum ársins enda í leikstjórn hins mikilhæfa Gary Ross.

John C. Reilly var átta ára gamall þegar hann vissi að hann yrði leikari þegar hann yrði stór. Í barnaskóla var hann nánast sjálfkjörin í aðalhlutverkin, fékk inngöngu í leiklistarskóla níu ára gamall og útskrifaðist að lokum frá DePaul-leiklistarháskólanum með BFA-gráðu í leiklist. Um leið var hann tekinn inn í leikhópinn sem kenndur er við hið virta Steppenwolf-leikhús í Chicago.

John hefur frá upphaf ferils síns notið mikillar virðingar kollega sinna og hefur á sér það orð að með engum sé skemmtilegra að vinna. Leiklistin er honum í blóð borin og hann þykir hafa nánast yfrnáttúrlegt vald á hinum smæstu blæbrigðum fínstilltrar túlkunar. Hann fer nú ásamt þeim Kate Winslet, Jodie Foster og Christoph Waltz á kostum í myndinni Carnage sem allt áhugafólk um kvikmyndir ætti að sjá.

J

C.R eilly