Leikarar mánaðarins

Ástralska leikkonan Abbie Cornish leikur eitt aðalhlutverkið í mynd Madonnu, W./E. , en hún fjallar um ástarsamband þeirra Wallis Simpson og Játvarðar sem afsalaði sér konungdóminum til að geta kvænst henni. Abbie er fædd þann 7. ágúst árið 1982 og hefur síðan hún hóf leikferilinn árið 1997 verið á stöðugri uppleið sem leikkona og vann m.a. Áströlsku kvikmyndaverðlaunin árið 2004 fyrir hlutverk sitt í myndinni Somersault.

Í fyrra lék Abbie svo í myndunum Limitless , þar sem mótleikarar hennar voru þau Bradley Cooper, Robert De Niro og Anna Friel, og Sucker Punch þar sem hún lék hina snjöllu Sweat Pea af mikilli snilld.

Abbie Cornish

Bandaríska leikkonan Jennifer Lawrence er fædd þann 15. ágúst árið 1990 og er næstyngsta leikkona sögunnar sem hefur verið tilnefnd til Óskarsverðlauna fyrir aðal-hlutverk. Þá tilnefningu hlaut hún fyrir myndina Winter’s Bone

sem einnig hlaut tilnefningu sem besta mynd ársins 2010. Vegur Jennifer hefur því farið hratt upp á við því hún lék ekki í sinni fyrstu mynd fyrr en árið 2007.

Jennifer leikur nú aðalhlutverkið í forsíðumynd Mynda mánaðarins

The Hunger Games sem verður frumsýnd í kvikmyndahúsum í mars og nýtur þar örugglega þjálfunarinnar sem hún fékk fyrir hið erfða hlutverk sitt í Winter’s Bone . Hér er á ferðinni ein af stórstjörnum framtíðarinnar sem áhugafólk um kvikmyndir ætti að taka vel eftir.

Þeir sem fylgjast með í heimi kvikmyndanna hafa væntanlega ekki komist hjá því að sjá stjörnu Jonah Hill rísa hátt og skína stöðugt skærar á undanförnum árum. Hann hóf ferilinn sem nokkur skonar „sidekick“ í gamanmyndum sem urðu vinsælar, t.d. The 40 Year Old Virgin, Knocked Up, Evan Almighty og Superbad en hefur vaxið stöðugt og hlaut nú síðast tilnefningu til Óskarsverðlauna fyrir besta leik í aukahlutverki karla í myndinni Moneyball , enda alveg frábær í þeirri mynd.

Nú er þessi skemmtilegi leikari mættur aftur, búinn að losa sig við aukakílóin og fer á kostum ásamt Channing Tatum í myndinni 21 Jump Street , sem hann er sjálfur einn af handritshöfundundunum að og framleiðandi.

JenniferWestfeldt

Jennifer Lawrence

12 myndir mánaðarins

Jennifer Westfeldt hefur komið víða við á ferli sínum og margir kannast efaust við hana úr sjónvarpi þar sem hún hefur m.a. leikið hlutverk í Grey’s Anatomy og 24. Jennifer, sem er fædd 2. febrúar árið 1970, hefur einnig látið til sín taka á Broadway þar sem hún var m.a. tilnefnd til Tony-verðlaunanna árið 2004 sem besta leikkona ársins fyrir söngleikinn Wonderful Town .

En Jennifer er miklu meira en bara leikkona, hún er einnig handritshöfundur og leikstjóri og sendi sem slík frá sér hina rómuðu mynd Kissing Jessica Stein árið 2001. Nú, tíu árum seinna, endurtekur hún leikinn með nýjustu mynd sinni,

Friends With Kids , þar sem hún veltir upp skemmtilegum hliðum á samskiptum kynjanna.

Jonah Hill