Leikarar mánaðarins

Daniel Radcliffe þekkja auðvitað allir úr hlutverki Harrys Potter og nú þegar þeirri myndaröð er lokið verður gaman að fylgjast með honum úti í hinum stóra heimi. Hann leikur nú aðalhlutverkið í hinni mögnuðu kvikmynd Woman in Black sem verður frumsýnd í mars, og það er skemmtileg tilviljun að það er einmitt sama hlutverk og faðir hans lék í samnefndri sjónvarpsmynd árið 1989, árið sem Daniel fæddist.

Í næstu mynd sinni, Kill your Darlings , mun hann leika skáldið Allen Ginsberg sem ásamt félögum sínum í „Beat“- kynslóðinni svokölluðu, þeim William S. Burroughs og Jack Kerouac, fækir sig í dularfullt morðmál.

Daniel

Radcliffe

Óskarsverðlaunaleikkonan Jodie Foster er fædd þann 19. nóvember árið 1962. Hún fór að leika snemma og varð þekkt barnastjarna í Bandaríkjunum á árunum 1969 til 1974 þegar hún lék í fjölda vinsælla sjónvarpsþátta eins og

Bonanza, Gunsmoke og The Addams Family . Hún sló svo rækilega í gegn í Martin Scorsese-myndinni Taxi Driver , en fyrir hana fékk hún sína fyrstu tilnefningu af fjórum til Óskars-verðlauna.

Jodie leikur nú ásamt einvalaliðinu Kate Winslet, John C. Reilly og Christoph Waltz í hinni frábæru mynd Carnage sem verður frumsýnd í marsmánuði og er sannarlega kvikmynd sem áhugafólk um góðan leik og skemmtilegar sögur má ekki láta fram hjá sér fara.

TaylorKitch

Taylor Kitch er fæddur þann 8. apríl árið 1981 í Kanada og býr þar enn. Taylor fór ungur að árum inn á leiklistarbrautina en landaði sínu fyrsta bandaríska kvikmyndahlutverki árið 2005 í myndinni Snakes on a Plane . Segja má þó að hann haf fyrst vakið athygli fyrir alvöru í sjónvarpsþáttunum Friday Night Lights sem hafa hlotið þrenn Emmy-verðlaun.

Taylor leikur nú John Carter í samnefndri stórmynd sem verður frumsýnd núna í mars en margir muna einnig eftir honum úr myndinni X-Men Origins: Wolverine þar sem hann lék Remy LeBeau, einnig þekktur sem The Gambit.

Jodie Foster