Leikarar mánaðarins

14 myndir mánaðarins

Danny DeVito Leikarinn, leikstjórinn og framleiðandinn Danny DeVito

talar fyrir titilpersónu myndarinnar Lorax sem verður frumsýnd þann 30. mars og er gerð eftir einni af sögum Dr. Seuss, en hann er einhver vinsælasti barna-bókahöfundur Bandaríkjanna fyrr og síðar og skrifað m.a. einnig Þegar Trölli stal jólunum og Kötturinn með höttinn .

Danny er fæddur þann 17. nóvember árið 1944 í New Jersey og hóf afskipti sín af skemmtiiðnaðinum 18 ára að aldri sem förðunarmaður á snyrtistofu systur sinnar. Í gegnum það starf fékk hann svo mikinn áhuga á leiklist að hann sótti um í leiklistarskóla og komst inn ári síðar. Þar hitti hann fyrir annan ungan tilvonandi leikara, Michael Douglas, en þeir hafa síðan verið bestu vinir og starfað mikið saman. Í skólanum hitti Danny einnig tilvonandi eiginkonu sína, Rheu Perlman. Danny fékk síðan sitt fyrsta hlutverk árið 1968, en ákvað svo að einbeita sér að leikhúsum næstu fmm árin eða svo, eða allt þar til Michael Douglas hringdi í hann og bauð honum hlutverk í Gaukshreiðrinu . Sú mynd var svo frumsýnd árið 1975, sópaði til sín Óskarsverðlaunum og er enn í dag talin á meðal bestu mynda sem gerðar hafa verið.

Liam Neeson hefur á ferli sínum sannað að þar er á ferðinni afar fjölhæfur leikari sem fer jafnlétt með að sýna mjúkar hliðar sem og þær hörðu í þeim hlutverkum sem hann hefur tekið að sér. Í febrúar var myndin The Gray frumsýnd, en hún hefur fengið frábæra dóma gagnrýnenda og er sennilega á góðri leið með að verða einn af óvæntustu smellum ársins. Þar sýnir Liam heldur betur hvað í hann er spunnið og er allt áhugafólk um kvikmyndir hvatt til að láta þá mynd ekki fram hjá sér fara.

Í mars snýr Liam síðan aftur á hvíta tjaldið og nú sem gríski guðinn Seifur í myndinni Wrath of the Titans . Það er alltaf gaman þegar sami leikari kemur fram í jafngjörólíkum myndum á sama tíma eins og þeim tveimur sem hér hafa verið nefndar og virkilega gaman að sjá og upplifa hversu létt þessi stórgóði írski leikari fer með að sýna hæfleika sína.

LiamNeeson

Megan Fox hefur sem leikkona á undanförnum árum aðallega leikið í hasar- og spennumyndum og má þar nefna myndir eins og Transformer -myndirnar og

Jennifer’s Body . Því verður gaman að sjá hana leika “venjulega” manneskju í rómantísku gamanmyndinni

Friends With Kids sem frumsýnd verður í mars.

Megan, sem er fædd þann 16 maí árið 1986, hóf ferilinn afar ung að árum og æfði dans og leiklist frá fmm ára aldri. 13 ára gömul vakti hún gríðarlega athygli á fyrirsætu- og hæfleikakeppninni American Modeling and Talent Convention þar sem hún sópaði til sín verðlaunum. Síðan þá hefur hún samhliða leik starfað sem fyrirsæta og er afar eftirsótt enda vekur hún ætíð athygli sökum fegurðar og þokka. Hún er gift leikaranum Brian Austin Green.

Megan Fox