29 myndir mánaðarins

Okkar eigin Osló

Gaman

Kemur út 17. nóvember

Aðalhlutverk: Þorsteinn Guðmundsson, Brynhildur Guðjónsdóttir, Laddi, Hilmir Snær, Ari Eldjárn og Steindi Jr.

Leikstjórn: Reynir Lyngdal Lengd: 95 mín. Öllum leyfð Útgefandi: Sena

PUNKTAR ............................................................

Það má segja að hér sé samankomið úrvalslið grínista í mynd sem má ekki fara framhjá nokkrum íslenskum kvikmyndaáhugamanni. Það er Þorsteinn Guðmundsson sem skrifar handritið og leikur annað aðalhlutverkið en leikstjóri er Reynir Lyngdal.

Myndin gerist í Osló, sumarhúsahverfi við Þingvallavatn og í Reykjavík. Við fáum að kynnast tveimur gerólíkum manneskjum sem gera tilraun til þess að stofna til náinna kynna.

Þetta eru þau Haraldur, verkfræðingur hjá Marel, og Vilborg, banka-starfsmaður og einstæð móðir. Þau hittast fyrst í Osló og eiga þar saman rómantíska helgi, langt frá hinum íslenska veruleika. Þegar heim er komið reyna þau síðan að halda sambandinu lifandi með vægast sagt merkilegum afleiðingum.

Haraldur og Vilborg eru fólk sem við þekkjum öll. Þau hafa sína yndislegu kosti og hræðilegu galla. Þau taka misgáfulegar ákvarðanir, eru oft á tíðum óheppin og klaufaleg í samskiptum en einnig leidd áfram af þrá sem við þekkjum öll eftir betra lífi, félagsskap, ást og hamingju.

• Þetta er fyrsta mynd Reynis Lyngdal í fullri lengd en hann leikstýrði m.a. spennuþáttunum Hamarinn.

• Þetta er líka fyrsta myndin sem grínistinn Steindi Jr. kemur fram í en sennilega ekki sú síðasta.

17. nóvember

AÐ VERA SAMAN ER GÓÐ SKEMMTUN - EÐA ÞANNIG

Veistu svarið?

Brynhildi Guðjónsdóttur er margt til lista lagt og hlaut til að mynda Grímuverðlaunin árið 2008 sem leikskáld ársins. Fyrir hvaða leikverk?