Page 25 - DVD-juni_2011

Byggð á bók William Nack, Secretariat: The Making of a Champion. Secretariat segir frá Penny Chenery (Diane Lane) sem heldur heim eftir fráfall móður sinnar. Faðir hennar er veikburða og hesthús þeirra, Meadow Staples, hefur munað fífl sinn fegurri. Við komu sína heim fréttir hún af spilltum þjálfara sem ætlaði sér að ganga frá rotinni sölu áður en móðir þeirra stöðvaði hann. Penny rekur þjálfarann og áður en hún veit af er hún orðin yfrmaður á svæðinu, reyndar með talsverðri hjálp frá gömlum þjálfara að nafni Lucien Laurin (John Malcovich). Þetta er nú einu sinni karlaveldi og húsmóðirin unga veit lítið um veðreiðar. Þrátt fyrir það tekst þeim að þjálfa Secetariat sem mun hlaupa með þau á vit ævintýra sem Penny hefði aldrei dreymt um að gætu ræst. Með komu sinni heim í Meadow Staples hefur Penny hrundið af stað atburðarrás sem mun ala af sér eitt besta veðhross allra tíma.

• Secretariat setti ekki aðeins met í Kentucky veðreiðunum heldur hljóp hann hraðar hverja kvartmílu af reiðunum. Það þýðir að hann var enn að ná upp hraða þegar þeim lauk. Secretariat á enn hraðamet á brautinni.

• Öll veðreiðaatriðin eru endurgerðir nema eitt, Preakness keppnin sem sést á sjónvarpsskjá.

• Fimm hross léku Secretariat við gerð myndarinnar.

• Nelsan Ellis, sem leikur Eddie Sweat, var bitinn í magann, honum ýtt og á honum trampað af mismunandi hrossum við tökur.

• Diane Lane kallaði ljósu hárkolluna sína Peaches, en hún var eftirgerð af hári Jackie Onassis og myndir af forsetafrúnni fyrrverandi voru upp um alla veggi í förðunarvagninum. DRAMA

Þeir sem hafa litið á kynningarsíður DVD-myndanna í þessu tölublaði hafa án efa tekið eftir því að breytingar hafa orðið á framsetningu dóma fyrir myndirnar. Áður voru dómar og stjörnugjafir frá hverjum miðli sem við tiltókum gefnir í stjörnufjölda þess miðils, hvort sem um var að ræða miðil sem gaf mest fjórar eða fimm stjörnur. Þetta olli því að misræmis gætti milli „fimm stjörnu“ og „fjögurra stjörnu“ miðla, auk þess sem margir miðlar, sér í lagi í Bandaríkjunum, gefa einkunnir í bókstöfum frá A til F, sem nánast ómögulegt er að færa yfir í stjörnur, og því gátum við ekki tiltekið þá miðla, þó margir þeirra séu meðal kvikmyndagagnrýnenda heims.

Því var ákveðið að breyta framsetningunni hér í blaðinu í 100 stiga kvarða, eins og þann sem áhorfendavefurinn Internet Movie Database og vefirnir Rotten Tomatoes og Metacritic, safnvefir helstu gagnrýnenda heims, nota. Þannig næst betra samræmi í einkunnagjöf og auðveldara verður að sjá hvernig dóma mynd er í raun að fá. Þannig breytast fimm stjörnur af fimm eða fjórar af fjórum báðar í „100/100“, á meðan fjórar stjörnur af fimm verða „80/100“. Við vonum að þessi breyting auðveldi ykkur, lesendum, að sjá hvernig dóma myndirnar sem eru að koma út fá. Ef þið lumið á fleiri hugmyndum til bóta fyrir blaðið, ekki hika við að senda þær á ritstjórann, erlingur@kvikmyndir.is.

Page 25 - DVD-juni_2011_web

Page 25 - DVD-juni_2011_web