Page 33 - BIO-juni_2011

Leikstjóri: Friðrik Þór Friðriksson

Þetta er: Eina Óskarsmynd Íslendinga í fullri lengd. Þessi hjartnæma og tímalausa saga Friðriks Þórs af fótta tveggja gamalmenna af elliheimili og á æskuslóðirnar áður en ævikvöldið rennur upp var tilnefnd til Óskarsins sem besta erlenda mynd, og átti það fullkomlega skilið. Gísli Halldórsson í hlutverki ævi sinnar.

Vissir þú: Bruno Ganz, sem lék Adolf Hitler svo eftirminnilega í Der Untergang árið 2004, kemur fram í nokkrar sekúndur í þessari mynd, sem engill undir lok myndarinnar.

Besta sena: Þegar lögreglan hefur uppi á strokuparinu roskna á gamla jeppanum sínum og hann gufar upp fyrir augunum á henni. Fólk var ekki á eitt sátt um þetta atriði þegar myndin kom út, en það er klárlega eitt það allra eftirminnilegasta frá ferli Friðriks.

Þetta er: Eina kvikmyndaaðlögunin til þessa af metsölubókum Arnalds Indriðasonar um Erlend lögreglumann og málin sem hann þarf að kljást við. Ingvar Sigurðsson fer meistaralega með hlutverkið í mynd um glæpamál sem gæti varpað ljósi á áratugagamalt mannshvarf.

Fleyg orð: „Þú veist hvað við erum kölluð í erfðafræðinni, ég og Auður? Frávik.“

Vissir þú: Lengi hefur staðið til að endurgera myndina í Bandaríkjunum

undir nafninu Jar City og færa sögusviðið til Louisiana, en enn hefur ekki orðið af því. Vonir standa nú til að eitthvað hreyfst í þeim málum þegar Baltasar Kormákur hefur lokið við Contraband, aðra Hollywood-endurgerð af íslenskri mynd, Reykjavík-Rotterdam, sem mun merkilegt nokk einnig gerast að hluta í Louisiana.

Besta sena: Af mörgum góðum má nefna heimsóknina í Krukkuborg, allfest atriði milli Erlends og dótturinnar Evu Lindar (Ágústa Eva), en það atriði sem vakti mest umtal í Bretlandi var þegar Erlendur fór á BSÍ og fékk sér sviðakjamma. Bretar höfðu sjaldan séð neitt jafn svívirðilega ógeðslegt.

Reykjavík-Rotterdam (2008)

Þetta er: Hrein og bein „genre“ mynd, spennutryllir á futningaskipi þar sem smyglarinn Kristófer reynir að gera upp skuldir sínar í eitt skipti fyrir öll. Aðalstjarna myndarinnar, Baltasar Kormákur, mætti aftur á skjáinn eftir langa bið, en hann mun leikstýra bandarískri endurgerð hennar, Contraband.

Vissir þú? Að endurgerðin Contraband skartar Mark Wahlberg, Kate Beckinsale, Ben Foster, Giovanni Ribisi og Lukas Haas í aðalhlutverkum.

Besta sena: Eltingaleikur við Steingrím (Ingvar E. Sigurðson) á byggingasvæðinu, upp á líf og dauða Írisar (Lilja Nótt Þórarinsdóttir). Svona á að gera þetta.

Leikstjóri: Ragnar Bragason

Þetta er: Saga Georgs

Bjarnfreðarsonar sem vann hug og hatur landsmanna í Vaktaseríunum. (Ó)vinirnir þrír fara í gegnum mikla nafaskoðun í leit sinni að sjálfnu og þurfa þar með að endurhugsa (ó) vináttu sína, sem býður upp á sorglega hlægileg augnablik.

Fleyg orð: „Hver heldur bestu partýin? Forsetinn!“

Vissir þú? Að myndin var sýnd með íslenskum texta á sérstökum sýningum fyrir heyrnarlausa og heyrnarskerta auk sýninga með enskum texta fyrir erlenda áhorfendur.

Besta sena: Koma Georgs í partý Ólafs eftir að hafa verið plataður til að bíða eftir honum á Mótel Venusi. Eitt sorglegasta atriði íslenskrar kvikmyndasögu.

Þetta er: Braggablús upp úr skáldsögu Einars Kárasonar um fjölskyldu sem reynir að feta sig í nýjum heimi Kanans. Baltasar Kormákur fer á kostum sem töffarinn Baddi, sem og aðrir í sínum hlutverkum. Skartaði undirtitlinum: Dýrasta kvikmynd sem gerð hefur verið á Íslandi.

Fleyg orð: „Hello Tommy, you must be the man of the house - No, I only pay.“

Vissir þú? Að myndin fékk Amanda verðlaunin sem besta norræna mynd, Alþjóðleg verðlaun á Atlantic kvikmyndahátíðinni og FIPRESCI

verðlaunin á Karlovy Vary alþjóðlegu kvikmyndahátíðinni.

Besta sena: „Töfraatriðið“ þegar Grettir er rændur beltinu, úrinu og feira. Gott dæmi um sorglega fyndinn húmor Íslendinga.

Með allt á hreinu (1982)

Þetta er: „A Hard Days Night“ Íslendinga, söngvamynd með hinum sívinsælu Stuðmönnum og Grýlunum að auki. Hvert einasta lag lifr í þjóðarsálinni, allt frá epískum Ástardúett yfr í stórfurðulegt Astraltertugubb.

Fleyg orð : „Hér er komin ung stúlka. Hún biður fyrir geðveikislegustu kveðju til Skúla Pálssonar. Hún fnnur hvergi bíllyklana. Svo er hér að lokum blátt reiðhjól. Kannast eitthver við það? Lásinn er... humm... lásinn er inn út, inn inn út. Ég endurtek, inn út, inn inn út.“

Vissir þú: Sagan segir að gagnrýnandi L.A. Times haf byrjað rýni sína svo: „On Top features a bunch of Icelandic fruitcakes wearing strange clothes.“

Besta sena: Allar senur þar sem

Eggert Þorleifsson kemur fyrir í rúgbrauðinu. Ódauðlegur karakter.

Page 33 - BIO-juni_2011_web

Page 33 - BIO-juni_2011_web