Page 32 - BIO-juni_2011

Leikstjóri: Gísli Snær Erlingsson

Þetta er: Tregafull þroskasaga af fjórum strákum sem gerast vinir og berjast saman við hrekkjusvín hverfsins. Eftir að köttur er hengdur mynda þeir reglu Rauða drekans en regla Svörtu fjaðrarinnar skorar á þá í bardaga sem mun breyta líf þeirra.

Vissir þú? Að Arnar Einarsson sem lék Begga kúk í myndinni hefur síðan unnið sem aðstoðarmaður við tökur í hinum ýmsu myndum, svo sem Hostel 2, Flags of Our Fathers, Little Trip to Heaven og Roklandi svo fáeitt sé nefnt.

Leikstjóri: Baltasar Kormákur

Þetta er: Kennslustund í Freudisma unnin upp úr samnefndri bók Hallgríms Helgasonar. Hilmir Snær Guðnason sló í gegn sem hinn sveimhuga Hlynur sem fellur fyrir ástkonu móður sinnar.

Fleyg orð: „Fjölskylduboð, jarðarför... Þá er jarðarförin skárri. Það er allavega einum vitleysingnum færra þar.“

Nekt! Victoria Abril, Hilmir Snær og Þrúður Vilhjálmsdóttir gera útsýnið að sínu.

Leikstjóri: Hrafn Gunnlaugsson

Þetta er: Víkingamyndin, með stóru vaff. Samt er hún ekki byggð á neinni Íslendingasögu, heldur sprettur hún upp úr huga hins óviðjafnanlega Hrafns Gunnlaugssonar, sem virðist hafa einstakt lag á skeggjuðum mönnum með gömul vopn.

Fleyg orð: „Þungur hnífur“ – „Þessi hnífur á að vera þungur.“

Þetta er: Ein þeirra mynda sem gætu ekki gerst neinstaðar annars staðar en hér. Frumraun Dags Kára sló vægast sagt í gegn, enda sláandi mynd um leiðann á skerinu, fjölskylduböndin sem sliga mann og þrána fyrir sjálfstæði frá fjöldanum þó maður verði aldrei hluti af hópnum.

Fleyg orð: „Ég skal kenna þér trikk sem klikkar aldrei. Þú gengur að sætustu stelpunni í bekknum og spyrð hana hvort hún haf ekki ftnað. Ég skal lofa þér því að hún á ekki eftir að láta þig í friði fyrr en þú ert búinn að sofa hjá henni.“

Þau segja: „Það var fyrst og fremst mikill heiður fyrir mig að fá að vinna með Degi Kára, sem ég tel hafa gífurlegt listrænt innsæi. Og tegund af áru sem gefur manni löngun til að gefa allt sem maður á. Svo snerti viðfangsefni myndarinnar mig sérstaklega djúpt.“ -Tómas Lemarquis

Besta sena: Slátursenan. Hver þarf splattermyndir þegar maður hefur fullan bala af blóði til sláturgerðar?

Leikstjóri: Þráinn Bertelsson

Þetta er: Lokamyndin í þríleiknum um þá Þór og Daníel, uppáhalds bíótvíeyki þjóðarinnar. Nú ljúga þeir sig alla leið inn í lögregluna, en það hefur sem áður spaugilegar afeiðingar fyrir lánlausu kumpánana.

Fleyg orð: „Þetta er örugglega bara ósköp venjulegur leigumorðingi.“

Þetta er: Unglingamynd um Gabríel og vini hans sem fá blauta tusku raunveruleikans í smettið við fyrstu kynni þeirra af heimi hinna fullorðnu. Myndin þótti fantafín og hinir ungu leikarar í meira lagi efnilegir. Nú ferðast hún á milli kvikmyndahátíða úti í heimi og heillar hvar sem hún fer.

Vissir þú? Að myndin fékk öll þau verðlaun sem íslensk kvikmynd gat tekið á kvikmyndaverðlaunum Mynda mánaðarins og kvikmyndir.is en kosið var um verðlaunin af áhorfendum í gegnum vefnn.

Leikstjóri: Þráinn Bertelsson

Þetta er: Fyrsta myndin í Líf-þríleik Þráins, um hæfleikalausu félagana Þór og Daníel, sem hér fá vinnu á vertíð, ljúga sig í ábyrgðarstöður og komast næstum því upp með það. Karl Ágúst Úlfsson og Eggert Þorleifsson náðu að heilla sig inn í hjörtu Íslendinga með þessum karakterum.

Vissir þú? Björk Guðmundsdóttir fytur lag í myndinni af sinni alkunnu snilld, með hljómsveitinni Tappa Tíkarrassi.

Leikstjóri: Þráinn Bertelsson

Þetta er: Önnur, og af festum talin besta, myndin í Líf-þríleik Þráins um Þór og Daníel. Þeir félagar leita stöðugt að auðveldustu leiðinni til að komast í gegnum lífð, en í þetta sinn slysast þeir til að gæta bóndabæjar í Kjósinni meðan ábúendurnir fara í frí. Þið getið rétt ímyndað ykkur hvernig það fer.

Fleyg orð: „Einkennilegur þessi verslunarstjóri, að senda okkur burt með þunnildi, sem hann hefði ekki einu sinni þorað að bjóða kettinum sínum.“

Besta sena: Þeir aumka sig yfr kindunum sem þarf að marka með því að klippa í

eyrun á þeim, og ákveða að spreyja þær í staðinn í öllum regnbogans litum. Sveitin hefur aldrei verið jafn litrík síðan.

Page 32 - BIO-juni_2011_web

Page 32 - BIO-juni_2011_web