31 myndir mánaðarins

HEYRST HEFUR...

...að eftir ótal tafr, kærur, leikstjóraskipti og sjúkrahúsferðir séu tökur loks hafnar á Hobbitanum í leikstjórn Peters Jackson . Nú bíður heimsbyggðin spennt eftir því hvað muni gerast til að tefja þær enn frekar. Eldgos, kannski?

...að Darren Aronofsky haf dregið sig út úr leikstjórn næstu Wolverine -myndar, að sögn vegna þess að hann vildi ekki eyða of miklum tíma fjarri fjölskyldu sinni.

...að innan sólarhrings frá þeirri tilkynningu haf farið af stað orðrómur þess efnis að hann hefði raunverulega hætt af því að framleiðendur hefðu viljað hafa puttana of mikið í gerð myndarinnar fyrir smekk Darrens. Eins og einhver þori að hræra í því sem leikstjóri Black Swan

er að gera...

...að Kevin Costner muni leika fósturföður Ofurmennisins í væntanlegri Superman -mynd Zacks Snyder .

...að Val Kilmer muni leika Wyatt Earp í væntanlegum vestra. Hann hefur áður tengst Earp, því hann lék góðvin hans, Doc Holliday, árið 1993 í Tombstone , þegar Kurt nokkur Russell lék Earp. Ætli Kilmer líti ekki á þetta sem stöðuhækkun?

...að DJ Caruso , maðurinn sem er ábyrgur fyrir Disturbia , Eagle Eye og I Am Number Four , ætli sér að leikstýra kvikmyndaaðlögun á

Preacher , frægri/alræmdri myndasögu Garth Ennis . Hvort á maður að vera spenntur eða hræddur?

...að það sé aldrei hægt að fá of mikið af amerískri böku. Allir upprunalegu leikarar American Pie eru nú í viðræðum um að koma saman til að gera nýja American Pie-mynd. Jason Biggs og Seann William Scott hafa víst þegar skrifað undir...

Moli

Barnaþættirnir Moli eru bæði fjörugir og fræðandi, en þeir segja frá moldvörpunni Mola og fjölmörgum ævintýrum hans. Moli þarf til dæmis að koma garðyrkjumanni sem hefur horn í síðu hans að moldvörpur séu í raun mjög sniðug lítil dýr og geti jafnvel komið að gagni. Svo ferðast Moli til stórborgarinnar, en þar getur ýmislegt komið fyrir litla moldvörpu sem passar sig ekki nógu vel.

Sögurnar um Mola eru sagðar í einföldum hreyfmyndum með skemmtilegu undirspili, þannig að þær henta sérstaklega þeim allra yngstu í fjölskyldunni.

Punktar

• Persónan Moli var búin til af Tékkanum Zdenek Miler og heitir Krtek á frummálinu.

• Birtist Moli fyrst árið 1956 og birtist reglulega í þáttum og stuttmyndum til ársins 2002. BARNAEFNI

Aðalhlutverk: Antonín Jedlicka

Leikstjóri: Zdenek Miler

Handrit: Zdenek Miler, Ivan Klima, J.A. Novotný

Lengd: 5-28 mínútur pr. þátt

Útgefandi: Myndform

28.

apríl

Moldvarpan fer til borgarinnar

VERÐLAUN

Kvikmyndahátíðin í Feneyjum 1966 1 verðlaun: Besti barnaþáttur

Zlín barnamyndahátíðin 2001 1 tilnefning: Áhorfendaverðlaun

DÓMAR

84/100 – IMDb.com

28.apríl